Եվրամիությունը կաջակցի Հայաստանի միգրացիոն եւ սահմանային կառավարման բարելավման գործընթացին
Եվրամիության կողմից ֆինանսավորվող «Աջակցություն Հայաստանում միգրացիոն եւ սահմանային կառավարմանը» ծրագիրը ՄԱԿ-ի զարգացման ծրագրի եւ Հայաստանի պետական եկամուտների կոմիտեի հետ սկսել է սահմանային անցակետերի արդիականացումը Հայաստանի հարավային հատվածում՝ Մեղրիում, որը սահմանակից է Իրանին: Այս նախաձեռ նությունը կբարելավի Հայաստանի միգրացիոն եւ սահմանային կառավարումը, կբարձրացնի անվտանգության մակարդակը, ինչպես նաեւ կդյուրացնի առեւտուրը:
Պետեկամուտների կոմիտեի նախագահի տեղակալ Արմեն Սաքապետոյանի խոսքով՝ Մեղրու սահմանային անցակետը կգործի մեկ պատուհանի համակարգով բեռնափոխադրողների եւ սահմանը հատող անձանց համար: Դա կօգնի արագացնել բեռնափոխադրումների գործընթացը: Սահմանային անցակետի բարելավված հարմարությունները իրենց հերթին կխթանեն հայ-իրանական առեւտրաշրջանառությունը:
Նախաձեռնության հիմնական նպատակը Հայաստանի միգրացիոն եւ սահմանային կառավարման համակարգի համապատասխանեցումն է եվրոպական չափանիշներին:
