Գերմանիայից ապաստան ստանալու դիմում ներկայացրած թուրք պաշտոնյաների ու զինվորականների թիվն ավելացել է
Գերմանական Der Spiegel պարբերականի տվյալներով՝ Գերմանիայից ապաստան ստանալու դիմում ներկայացրած թուրք պաշտոնյաների ու զինվորականների թիվն ավելացել է: Գերմանիայի փախստականների և ներգաղթյալների հարցերով դաշնային գրասենյակի տվյալներով՝ Գերմանիայից ապաստան է խնդրել շուրջ 450 թուրք դիվանագետ, սպա, դատավոր և այլ պաշտոնյա:
Պարբերականը հայտնում է, որ ապաստանով դիմած անձինք մեղադրվում են Թուրքիայում ապրիլի 15-ին իրականացված ռազմական հեղաշրջման փորձի համար պատասխանատու համարվող գյուլենականների հետ առնչություն ունենալու մեջ: 450-ի մեջ են նաև Բելգիայում ՆԱՏՕ-ի ռազմակայանում ծառայության մեջ գտնվող թուրք սպաներ, ինչպես նաև աֆրիկյան երկրներում Թուրքիայի դեսպանություններում գտնվող զինվորական կցորդներ:
Գերմանիայի փախստականների և ներգաղթյալների հարցերով դաշնային գրասենյակի տվյալներով՝ ընդհանուր առմամբ Գերմանիայից ապաստան է խնդրել Թուրքիայի ավելի քան 7 հազար 700 քաղաքացի: Նախորդ տարի Թուրքիայից արված դիմումներից բավարարվել է միայն ութ տոկոսը:
