«Չելսին» Ֆաբրեգասին պատրաստ է վաճառել «Մանչեսթեր Յունայթեդին» կամ «Լիվերպուլին» 30 մլն ֆունտով

«Չելսիի» կիսապաշտպան Սեսկ Ֆաբրեգասը տրանսֆերային շուկայում, նախկինի նման, պահանջարկ ունի: Հաղորդվում է, որ «Ատլետիկոյից», «Միլանից», «Ինտերից» և «Մարսելից» բացի՝ 30-ամյա իսպանացուն ցանկանում են ձեռք բերել նաև «Մանչեսթեր Յունայթեդը» և «Լիվերպուլը»:

«Չելսին» պատրաստ է Ֆաբրեգասին իր մրցակիցներին վաճառել 30 մլն ֆունտով:

Կիսապաշտպանի պայմանագիրը լոնդոնցիների հետ նախատեսված է մինչև 2019 թվականը:

Ընթացիկ մրցաշրջանի 25 խաղերում Ֆաբրեգասը խփել է 4 գնդակ և կատարել է 9 գոլային փոխանցում:

Պատրաստեց Անի Գաբուզյանը