Մոուրինիոն «Մանչեսթեր Յունայթեդի» ֆուտբոլիստներին արգելել է օգտվել սոցիալական ցանցերից
Պորտուգալացին ֆուտբոլիստներին կոչ է արել կենտրոնանալ ֆուտբոլի վրա: Ինչպես հաղորդում է The Independent-ը, Մոուրինիոն արգելել է խաղացողներին օգտվել սոցիալական ցանցերից մարզումների ժամանակ, ակումբային ավտոբուսում և խաղերից 48 ժամ առաջ:
Պորտուգալացին գտնում է, որ ֆուտբոլիստները չափից շատ ժամանակ են հատկացնում Թվիթերին, Ինստագրամին և Ֆեյսբուքին:
«Մանչեսթեր Յունայթեդը» 34 խաղերում հավաքելով 65 միավոր՝ գրավում է ԱՊԼ-ի մրցաշարային աղյուսակի 5-րդ տեղը:
Մայիսի 4-ին «Մանչեսթեր Յունայթեդը» Եվրոպայի լիգայի առաջին կիսաեզրափակիչ խաղում կհանդիպի «Սելտայի» հետ: Պատասխան խաղը տեղի կունենա մայիսի 11-ին:
Պատրաստեց Անի Գաբուզյանը
