10 մթերք, որոնք խանգարում են հարթ որովայն ունենալուն

Marketium.ru կայքը ներկայացրել է, թե որ մթերքն է բացասաբար ազդում որովայնի հատվածում գեղեցիկ կազմվածք ունենալու վրա։

1. Ալկոհոլային խմիչք։ Ալկոհոլային խմիչքը մեծ քանակով կալորիաներ է պարունակում, բայց խնդիրն այդքան էլ դա չէ։ Ալկոհոլը մեծացնում է ախորժակը։

2. Գազավորված ըմպելիք։ Իհարկե, բոլորն էլ գիտեն գազավորված ըմպելիքի վնասի մասին, սակայն ոչ բոլորն են պատրաստ հրաժարվել դրանից։ Եթե իսկապես ցանկանում եք ազատվել որովայնի հատվածում ճարպերից, հարկավոր է դրանք բացառել սննդակարգից։ Նույնիսկ «ցածր կալորիականություն» ունեցող ըմպելիքները դանդաղեցնում են նյութափոխանակությունը և մարմնին ստիպում ճարպեր կուտակել։

3. Մաստակ։ Երբ մաստակ ենք ծամում, որովայնը նշաններ է ստանում, որոնք խթանում են նյութափոխանակության գործընթացը։ Բացի այդ, մաստակը որովայնում թթվի մեծ քանակի պատճառ է դառնում, ինչի արդյունքում մարդն ուժեղ սով է զգում։

4. Աղ և շաքար։ Հիշեք՝ սրանք կարելի է օգտագործել միայն քիչ քանակով։ Մեծ քանակով նատրիում պարունակող մթերքը վնասում է առողջությանը, քանի որ հեղուկը պահում է օրգանիզմում։

5. Ֆասթ ֆուդ։ Սրանք չափազանց շատ կալորիաներ են պարունակում, և դրանց օգտագործումն ու հարթ որովայն ունենալն անհամատեղելի երևույթներ են։

6. Մայոնեզ։ Եթե մայոնեզի սիրահար եք, ապա պետք է իմանաք, որ այն 80 տոկոս ճարպ է պարունակում։ Ավելի լավ է այն փոխարինել կիտրոնի հյութով, անյուղ թթվասերով կամ տոմատի մածուկով։

7. Կարտոֆիլ ֆրի։ Հրաժարվեք սրանից որքան հնարավոր է՝ շուտ։ Տապակած կարտոֆիլը ներծծում է բոլոր հագեցած ճարպերը։

8. Պաղպաղակ։ Մեծ քանակով շաքար պարունակող մթերքը վերածվում է ճարպի։

9. Լոբազգիներ։ Եթե գազերի առաջացման հետ կապված խնդիր ունեք, գերադասելի է հրաժարվել լոբազգիների օգտագործումից։ Հարկավոր է նաև հարմար միջոց գտնել՝ նյութափոխանակությունն արագացնելու համար։

10. Շաքարի փոխարինիչ։ Սրանք արդյունավետ են բոլոր նրանց համար, ովքեր տառապում են դիաբետով։ Դրանք միայն կազդեն որովայնի հատվածում ճարպերի կուտակման վրա։