Վթար «Շանթ» գործարանի մոտակայքում. կան տուժածներ
Մայիսի 2-ին, ժամը 23:11-ին ահազանգ է ստացվել, որ Երևան քաղաքի Շիրազի փողոցում՝ «Շանթ» գործարանի մոտակայքում, տեղի է ունեցել ՃՏՊ, կան տուժածներ. անհրաժեշտ է օգնություն: Դեպքի վայր է մեկնել երկու մարտական հաշվարկ:
Պարզվել է, որ Հասրաթյան փողոցում` զորամասի մոտակայքում, բախվել են «ՎԱԶ 2107» մակնիշի 96 MS 666 (վարորդ՝ 1978 թ. ծնված Մ. Ղ.) և «Toyota Camry» մակնիշի Н564ОУ777 պետհամարանիշերով (վարորդ՝ 1979 թ. ծնված Ս. Ս.) ավտոմեքենաները: Փրկարարներն ավտոմեքենայից դուրս են բերել Մ. Ղ.-ին:
Մ. Ղ.-ը, նույն ավտոմեքենայի ուղևորը և Ս. Ս.-ը հոսպիտալացվել են «Արմենիա» ՀԲԿ, որտեղ վերջին երկուսը հրաժարվել են բուժօգնությունից, իսկ Մ. Ղ.-ի առողջական վիճակը գնահատվել է միջին ծանրության: Փրկարարները հոսանքազրկել են ավտոմեքենաները և փակել «ՎԱԶ 2107» մակնիշի ավտոմեքենայի գազի բալոնի փականը:
