Նյու Յորքում անցկացվել է Met Gala հագուստի ինստիտուտի պարահանդեսը
Նյու Յորքում անցկացվել է Met Gala հագուստի ինստիտուտի ավանդական պարահանդեսը: Ինչպես հայտնել է CBS-ն, երեկոյի գլխավոր թեման դարձել է ճապոնացի մոդելագործ եւ Comme des Garջons մակնիշի հիմնադիր Ռեյ Կավակուբոյի ստեղծագործությունը։
Պարահանդեսին ժամանել են դերասաններ, երգիչներ եւ մշակույթի գործիչներ: Օրինակ, Քեթի Փերին կարմիր ուղեգորգի վրա կանգնել է Maison Margiela-ի կարմիր համակազմով՝ շղարշի վրա «վկա» մակագրությամբ: Ռիհաննան եկել էր Comme des Garջons-ի՝ արտասովոր ձեւվածքի զգեստով, իսկ հեռուստաաստղ Քիմ Քարդաշյանն ընտրել էր Vivienne Westwood-ի ճերմակ զգեստը:
Met Gala հագուստի ինստիտուտի պարահանդեսը 1971 թվականից ի վեր ամեն տարի անցկացվում է Նյու Յորքի Մետրոպոլիտեն թանգարանում: Միջոցառման բոլոր հյուրերը, ընտրելով իրենց զգեստապահարանը, պետք է հետեւեն առաջադրված թեմային:
