«ԵՄ-ին Թուրքիայի անդամակցության մասին խոսք լինել չի կարող». Սեբաստիան Կուրց
Բրյուսելին անհրաժեշտ է մշտական շփում ունենալ Թուրքիայի հետ, բայց ԵՄ-ին այդ երկրի
անդամակցության մասին խոսք լինել չի կարող: Այդ մասին հայտարարել է Ավստրիայի արտաքին գործերի նախարար Սեբաստիան Կուրցը:
Նա ընդգծել է, որ Թուրքիայում հանրաքվեի անցկացումը ԵՄ-ում շատերի համար դարձել է Անկարայի կողմից «կարմիր գծի հատում» եւ այն բանի ազդանշան, որ Թուրքիան շարունակում է հեռանալ Եվրոպայից:
«Մեզ անհրաժեշտ է մշտական շփում ունենալ Թուրքիայի հետ, մեզ հարկավոր են բանակցությունների կապուղիներ, բայց անդամակցության մասին խոսք լինել չի կարող»,-ասել է Կուրցը՝ ժամանելով Մալթա՝ մասնակցելու ԵՄ-ի ԱԳ նախարարների ոչ պաշտոնական գագաթնաժողովին:
Նա նաեւ նշել է օտարերկրյա լրագրողներին ձերբակալելու եւ ընդդիմության վրա ճնշում գործադրելու անթույլատրելիությունը, հաղորդել է ՌԻԱ Նովոստին:
