69 տարի միասին ապրած ամերիկացի ամուսինները վախճանվել են 40 րոպեի տարբերությամբ
ԱՄՆ-ի Իլինոյսի նահանգից Իսահակ եւ Թերեզա Վաթքինները մահացել են գործնականում միաժամանակ, մեկ ժամվա ընթացքում, եւ մինչեւ վերջին շունչը ձեռք ձեռքի էին բռնել: Նրանք միասին ապրել են 69 տարի: Այդ մասին լրագրողներին պատմել են նրանց հարազատները, տեղեկացնում է BBC-ին:
Իսահակ Վաթքինը 91 տարեկան էր, նրա կինը՝ Թերեզան, 89: «Մենք այնպես չէինք ուզում, որ նրանք հեռանան»,-ասել է Ուիլյամ Վաթքինի թոռը՝ խոսելով իր մերձավորների կյանքի վերջին րոպեների մասին:
«Միմյանց նկատմամբ նրանց սերն այնքան մեծ էր, որ նրանք չկարողացան ապրել առանց մեկմեկու»,-ասել է դուստրը՝ Կլարա Հեսքլինը, մահացած ծնողներին հրաժեշտի ընտանեկան արարողության ժամանակ:
Տեղի հիվանդանոցի անձնակազմն ամուսիններին անգիտակից վիճակում գտել է ապրիլի 22-ին, նրանց մահճակալները կողքկողքի էին, իսկ հարազատները միացրել են նրանց ձեռքերը:
Վաթքին ամուսիններն իրենց կյանքի ընթացքում դաստիարակել են երեք երեխաների եւ շատ էին սիրում իրենց թոռներին, պատմել են հարազատները: Իսահակ Վաթքինն աշխատում էր մսամթերքի դիստրիբյուտոր, նրա կինը՝ Թերեզան, մատնահարդարման վարպետ էր:
