Իրաքցի զինվորականներն ԻՊ-­ից ազատագրել են Մոսուլի արևմտյան մասի խոշորագույն շրջանը

Իրաքի կառավարական ուժերն ապրիլի 25-­ին «Իսլամական պետություն» խմբավորման ահաբեկիչներին դուրս են մղել Մոսուլի արեւմտյան մասի ամենաընդարձակ շրջանից՝ աթ­Թանեքից: Այդ մասին հայտնել է The Associated Press գործակալությունը՝ վկայակոչելով Իրաքի բարձրաստիճան մի հրամանատարի:

Հատուկ նշանակության զորամասերի հրամանատար գեներալ­լեյտենանտ Աբդուլ Վաշաբ աս­Սաադիի խոսքով՝ այդ շրջանն «ամբողջությամբ ազատագրված է եւ գտնվում է կառավարական ուժերի լիակատար հսկողության ներքո»:

Մանրամասներ չեն հաղորդվում: Գործակալության տվյալներով՝ ներկայում իրաքյան զորքերը լուրջ դիմադրության են բախվում աթ­Թանեքից արեւելք ընկած այսպես կոչված
«հին քաղաքում», որը ձգվում է քաղաքը արեւմտյան եւ արեւելյան շրջանների բաժանող Տիգրիս գետի երկայնքով: 2016 թվականի աշնանը իրաքյան բանակը ռազմական գործողություն է սկսել, որի գլխավոր նպատակը ԻՊ­-ի ահաբեկիչներից Մոսուլի
ազատագրումն է:

Իրաքցի զինվորականներին հաջողվել է հունվար ամսին քաղաքի արեւելյան մասն ամբողջովին մաքրել ահաբեկիչներից, հաղորդել է «Ինտերֆաքս»-­ը։