Թրամփը կառաջարկի ընկերությունների շահութահարկն իջեցնել մինչև 15 տոկոս
ԱՄՆ-ի նախագահ Դոնալդ Թրամփը հարկային բարենորոգման շրջանակներում կառաջարկի ընկերությունների շահութահարկը ներկայիս 35 տոկոսից իջեցնել մինչեւ 15 տոկոս: Այդ մասին հայտնել են ամերիկյան զանգվածային լրատվամիջոցները՝ վկայակոչելով Սպիտակ տան ներկայացուցչի:
Չորեքշաբթի հարկային բարեփոխման պլանի հրապարակումից առաջ ապրիլի 25-ին դոլարն աճում է աշխարհի հիմնական արժույթների նկատմամբ: Մասնավորապես, եվրոյի նկատմամբ այն ամրապնդվել է մինչեւ 1,0866 դոլար: Միացյալ Նահանգների վարչակազմը հարկերի իջեցումն ավելի գերակա խնդիր է համարում, քան բյուջեի պակասուրդի չափի
սահմանափակումը, գրել է Financial Times-ը: Սակայն այս մոտեցումը կարող է հավանություն չգտնել Կոնգրեսում:
Wall Street Journal-ի տվյալներով՝ մեկ տոկոսային կետով հարկադրույքի իջեցումը հանգեցնում է 10 տարվա ընթացքում 100 միլիարդ դոլարով համապետական բյուջեի եկամուտների նվազման: Այսպիսով, հարկադրույքի առաջարկվող նվազումը կհանգեցնի 2 տրիլիոն դոլարի կորստի, հաղորդել է «Ինտերֆաքս»-ը:
