Խորագիր:

ԱՄՆ-­ի իշխանությունները մեղադրանքներ են պատրաստում Ջուլիան Ասանժի դեմ. CNN

ԱՄՆ-­ի իշխանությունները մեղադրանքներ են պատրաստում Ջուլիան Ասանժի դեմ. CNN

Միացյալ Նահանգների իշխանությունները քննարկում են Wikileaks կայքի հիմնադիր Ջուլիան Ասանժին մեղադրանքներ առաջադրելու հնարավորությունը, ինչի մասին հայտնել են ամերիկյան զանգվածային լրատվամիջոցները: Արդարադատության նախարար Ջեֆ Սեշնսը հայտարարել է, որ Ասանժի կալանավորումը ԱՄՆ­-ի նոր վարչակազմի առաջնահերթություններից մեկն է։

Ապրիլի 20-­ին ամերիկացի պաշտոնյաները զանգվածային լրատվամիջոցներից մի քանիսին տեղեկացրել են Ասանժի եւ կայքի այլ աշխատակիցների դեմ պատրաստվող միջոցների մասին, կայք, որը մասնագիտացած է գաղտնի փաստաթղթերի հրապարակման բնագավառում: ABC-­ի տվյալներով՝ իշխանություններն առայժմ միայն քննարկում են հնարավոր գործողությունները, սակայն CNN­-ը հաղորդել է, որ նրանք արդեն պատրաստում են մեղադրանքներ՝ Ասանժի արտահանձնմանն ու կալանավորմանը հասնելու համար:

Դատելով ըստ ամենայնի՝ Սպիտակ տան դիրքորոշման վրա ազդել է այն հանգամանքը, որ մարտ ամսին Wikileaks­-ը հրապարակել է տեղեկատվություն ԿՀՎ-­ի կողմից օգտագործվող «կոտրանքի» միջոցների մասին: Անցյալ շաբաթ ԿՀՎ-­ի տնօրեն Մայք Փոմպեոն Wikileaks­-ը բնորոշել է որպես թշնական հետախուզական ծառայություն, որին օգնում Է Ռուսաստանը, եւ Ասանժին խաբեբա է կոչել:

Ջուլիան Ասանժը գտնվում է Էկվադորի դեսպանատանը՝ Շվեդիա արտահանձումից խուսափելու համար, որտեղ նա մեղադրվում է սեռական հանցագործությունների մեջ:

Լրահոս
Գովազդ
Գովազդ
Գովազդ
Ամենաընթերցված
ՕրվաՇաբաթվաԱմսվա
2017-04-20
Ինչպես կարող է Խաչատուրովն օգտագործել ՀԱՊԿ քարտուղարի պաշտոնը
«Ամեն դեպքում, Խաչատուրովը չի կարողանա այս հարթակն օգտագործել ԼՂ հակամարտության հարցում, բայց անուղղակիորեն այս պաշտոնում գտնվելը հնարավորություն է տալիս որոշակի հնարավորություններ ստեղծել Հայաստանի համար»։