«ՀՀԿ իրավունքների պաշտպան». միջադեպ ՄԻՊ ասուլիսի ընթացքում
ՀՀ իրավունքների պաշտպան Արման Թաթոյանն այժմ ներկայացնում է 2016թ. հուլիսյան իրադարձությունների մասին պատրաստված զեկույցը։ Արման Թաթոյանն ասաց, որ կատարվել է փաստահավաք աշխատանք, զուկույցը բաղկացած է 4 գլխից։
Մինչ Արման Թաթոյանը խոսում էր ոստիկանության կողմից թույլ տրված խախտումների մասին, մի քանի երիտասարդ մտան դահլիճ և սեղանին, որի մոտ նստած էր Արման Թաթոյանը, փակցրին «ՀՀԿ մարդու իրավունքների պաշտպան» գրությունը, ոստիկան Լեռնիկ Երանոսյանի, տեղի ունեցած միջադեպի արդյունքում վիրավորվածներից մեկի լուսանկարները։
Այդ ընթացքում Արման Թաթոյանը չընդմիջեց խոսքը, իսկ ՄԻՊ խոսնակը հեռացրեց գրությունն ու լուսանկարները։
