ՔԶԱԿ-ում հավաստել են զարինի կամ դրա նմանակի օգտագործումը Սիրիայի Իդլիբում
Կատարված փորձաքննությունների արդյունքները վկայում են, որ Սիրիայի Իդլիբի նահանգում կիրառվել է զարին կամ դրա նմանակը: Այդ մասին հայտնել են եվրոպական զանգվածային լրատվամիջոցները՝ վկայակոչելով Քիմիական զենքի արգելման կազմակերպության (ՔԶԱԿ) գլխավոր տնօրեն Ահմետ Ուզյումջյուին:
Այսպես, ինչպես ԶԼՄ-ներին հայտնել են Մեծ Բրիտանիայի պատվիրակությունում, խոսքը վերաբերում է զարինին կամ նման այլ նյարդակաթվածահարական գազի: Ապրիլի 19-ին Հաագայում վերսկսվում է ՔԶԱԿ-ի գործադիր խորհրդի հատուկ նստաշրջանը:
Նախորդ նիստը կայացել է ապրիլի 13-ին: Դրա արդյունքներով՝ ՔԶԱԿ-ում հայտարարել են, որ «փորձագետների նախնական գնահատումն այն է, որ խոսքը վերաբերում է քիմիական զենքի կիրառման «վստահության արժանի տվյալներին», հաղորդել է «Ինտերֆաքս»-ը:
