Սահմանադրական դատարանն՝ ընդդեմ կրծողների
ՀՀ սահմանադրական դատարանը «Ոչ» է ասում կրծողներին։ ՍԴ-ն «Երևանի կանխարգելիչ ախտահանում» ՓԲ ընկերությանը մեկ անձից կատարվող գնումների միջոցով պատվիրել է դեռատիզացիայի աշխատանքներ իրականացնել։ Առաջին եռամսյակի աշխատանքների համար ՍԴ-ն ընկերությանը վճարելու է 24 հազար դրամ։
Նշենք, որ դեռատիզացիան տարբեր տեսակի կրծողների՝ առնետների, մկների, խլուրդների, դաշտամկների ոչնչացումն է: Դեռատիզացիան շենքերում և բնակարաններում իրականացվում է շինության ամբողջ պարագծով և կրծողների հավանական կուտակումների տեղերում խայծերի տեղադրման միջոցով:
Հիշեցնենք, որ վերջերս դեռատիզացիայի ծառայություն «Երևանի կանխարգելիչ ախտահանում» ընկերությանը պատվիրել էր նաև նախագահական նստավայրը։
