Սիրիական զորքերը գրոհով գրավել են «Ան-Նուսրա»-ի առաջադիրքը Համայի նահանգում
Սիրիական բանակի մարտիկներն աշխարհազորայինների ջոկատների աջակցությամբ ապրիլի 17-ին ազատագրել են Համայի նահանգի (Դամասկոսից 220 կիլոմետր հեռավորությամբ) հյուսիսում գտնվող Սոուրան քաղաքը: Ինչպես հայտնել է SANA գործակալությունը, կառավարական ուժերը գրոհով գրավել են Սոուրանը, որը առաջադիրք էր ծառայում «Ջեբհաթ ան-Նուսրա» ծայրահեղական խմբավորման համար։
Զինյալները դուրս են մղվել նաեւ նրա հարեւան Թել-Բզեմ եւ Էն-Մաքաթիբ բնակավայրերից:
Զորքերը շարունակում են գրոհը ու հարձակում են ծավալել Թեյբաթ-Էն-Իմամի վրա, որը վերջինն է այն քաղաքներից ու բնակավայրերից, որոնք մարտին գրավել Էին Սիրիայում զինադադարը խախտած զինված ընդդիմության կազմավորումները: SANA-ի տեղեկատվության համաձայն, մարտեր են ընթանում նրա արեւելյան ծայրամասերում, հաղորդել է ՏԱՍՍ-ը:
