Կանանց առաջարկել են կրել սթրեսի մակարդակին հետևող կրծկալ
Vitali ընկերությունը ներկայացրել է խելացի կրծկալ, որը հետեւում է կնոջ հուզական վիճակին: Այդ մասին հայտնել է The Mashable-ն: Ծրագրի իրականացման համար միջոցները հավաքում են Kickstarter քրաուդֆանդինգային հարթակի միջոցով:
Արտադրողների խոսքով՝ մարզական կրծկալը հետեւում է մի քանի ցուցանիշների՝ շնչառության ընթացքին, սրտի զարկերին եւ կեցվածքին: Այդ տվյալները որոշվում են հատուկ սարքի օգնությամբ: «Նորույթը նախատեսված է ժամանակակից կանանց համար, նրանց համար, ովքեր ապրում են արագ տեմպով, բայց հոգ են տանում իրենց առողջության մասին»,-պատմել է ընկերության ներկայացուցչուհին:
Կրծկալը պատրաստված է չմաշվող գործվածքից: Մոդելի սերիական արտադրությունը պլանավորում են կազմակերպել մինչեւ 2018 թվականի ձմեռը: Նորույթի գինն առայժմ չի նշվում:
