Թողարկվել է Թոմ Քրուզի մասնակցությամբ «Մումիա» ռեմեյքի նոր թրեյլերը
Universal Pictures կինոընկերությունն իր YouTube-ալիքում հրապարակել է Թոմ Քրուզի մասնակցությամբ «Մումիա» ֆիլմի երկրորդ թրեյլերը։
Կինոժապավենի, որի ռեժիսորը Ալեքս Կուրտցմանն է, ռուսաստանյան պրեմիերան կկայանա հունիսի 8-ին:
Կինոնկարում նաեւ նկարահանվել են Անաբել Ուոլիսը, Սոֆյա Բուտելան եւ Ջեյք Ջոնսոնը:
«Մումիա» օրիգինալ ֆիլմն էկրան է բարձրացել 1932 թվականին, այնտեղ գլխավոր դերը կատարել է բրիտանացի դերասան Բորիս Քառլոֆը, որը հայտնի է որպես «Սարսափի վարպետ»: Կինոժապավենին հետեւել են մի քանի սիքվելներ, այդ թվում՝ համանուն կատակերգական եռերգությունը՝ Բրենդան Ֆրեյզերի մասնակցությամբ:
