«Մանչեսթեր Յունայթեդը»՝ անգլիական լիգայի գավաթակիր
Այսօր Լոնդոնի «Ուեմբլի» մարզադաշտում տեղի ունեցավ Անգլիական լիգայի գավաթի եզրափակիչը: Գավաթի համար պայքարում հաղթող ճանաչվեց «Մանչեսթեր Յունայթեդը»՝ 3:2 հաշվով հաղթելով «Սաութհեմփթոնին»:
Հանդիպման հաշիվը առաջին խաղակեսի 19-րդ րոպեին բացեցին մանկունյանցիները. գոլի հեղինակ դարձավ Զլատան Իբրահիմովիչը: 38-րդ րոպեին Ջեսի Լինգարդը կրկնապատկեց իր թիմի առավելությունը:
Առաջին խաղակեսի վերջին րոպեին հաշվի տարբերությունը կրճատեց «Սաութհեմփթոնի» հարձակվող Մանոլո Գաբյադինին: Վերջինս հանդիպման 48-րդ րոպեին հավասարեցրեց հաշիվը՝ 2:2:
Խաղի ավարտից րոպեներ առաջ Զլատան Իբրահիմովիչը վերականգնեց իր թիմի առավելությունը (3:2) և հենց նրա գոլն էլ դարձավ հաղթականը մանկունյանցիների համար:
Հիշեցնենք, որ Հենրիխ Մխիթարյանը վնասվածքի պատճառով չէր հայտնվել մեկնարկային կազմում:
«Մանչեսթեր Յունայթեդ» – «Սաութհեմփթոն» 3:2
Գոլեր. Իբրահիմովիչ, 19, 87, Լինգարդ, 38 – Գաբյադինի, 45, 48
#EFLCup champions! pic.twitter.com/yo1C5o3s4S
— Manchester United (@ManUtd) February 26, 2017
