Բաժիններ՝

Ֆրանսիայի ԱԳ նախարարը մտահոգված է Մերձավոր Արևելքի հարցում ԱՄՆ դիրքորոշումից

Ֆրանսիայի արտաքին գործերի նախարար Ժան-­Մարկ Էյրոն Բոննում ԱՄՆ պետքարտուղար Ռեքս Թիլերսոնի հետ առաջին հանդիպումից հետո հայտարարել է, որ մտահոգված է պաշտոնական Վաշինգտոնի դիրքորոշումից՝ մերձավորարևելյան հակամարտության կարգավորման շուրջ:

«Ես հասկացա, որ Ֆրանսիայի համար չկա այլ որոշում, քան երկու անկախ պետությունների (Իսրայելի և Պաղեստինի) հեռանկարները: Այլ տարբերակներ, որոնք նշել է Թիլերսոնն՝ անիրական են»,-­ ինչպես փոխանցում է «Ֆրանս պրես»-­ը, ասել է Էյրոն:

ԱՄՆ դիրքորոշումը Ֆրանսիայի արտգործնախարարը բնութագրել է «շփոթեցնող ու մտահոգիչ»:

Փետրվարի 15­-ին ԱՄՆ նախագահ Դոնալդ Թրամփն Իսրայելի վարչապետ Բինյամին Նեթանյահուի հետ համատեղ ասուլիսում հաստատել է, որ պարտադիր չի համար երկու պետությունների գոյությունը՝ իսրայելա­պաղեստինյան խնդրի կարգավորման համար:

Բաժիններ՝

Տեսանյութեր

Լրահոս