Կիմ Չեն Ընի եղբայրը շրջագայել է այլ անունով տրված անձնագրով
Մալազիայում սպանված ԿԺԴՀ-ի առաջնորդ Կիմ Չեն Ընի եղբայրը՝ Կիմ Չոն Նամը, ճամփորդել է այլ անունով տրված անձնագրով: Այդ մասին նշված է Մալազիայի ոստիկանության ղեկավար Հալիբ Աբ Բաքարի հայտարարության մեջ:
«Նրա փաստաթղթերում նշված է Կիմ Չհոլ անունը` ծնված 1970 թվականի հունիսին, ծննդավայրը` Փհենյան»,- ընդգծել է երկրի ոստիկանապետը: Նրա խոսքով` կատարվում է հետաքննություն, իսկ մահվան պատճառները կհայտարարվեն հերձումից հետո:
Ավելի վաղ հայտարարվել է, որ դատաբժշկական փորձաքննությունը տեղի կունենա փետրվարի 15-ին:
Կիմ Չոն Նամը ենթադրաբար սպանվել է օդանավակայանում թունավորված ասեղներով: Հարձակումը կատարել են երկու կանայք: Կիմ Չոն Նամը Կիմ Չեն Իրի ավագ որդին Է, Հյուսիսային Կորեայի ներկայիս ղեկավար Կիմ Չեն Ընի եղբայրը: Նրանց մայրերը տարբեր են: Կիմ Չոն Նամը զրկվել Էր հոր բարեհաճությունից, հեռացվել բարձրագույն պաշտոնի ժառանգումից: 2001 թվականից նա ապրում էր արտասահմանում:
