«ԱՄՆ-ը չպետք է միջամտի եվրոպական քաղաքականությանը». Մոգերինի
ԱՄՆ-ը չպետք է միջամտի եվրոպական քաղաքականությանը ճիշտ այնպես, ինչպես ԵՄ-ն չի միջամտում ամերիկյան քաղաքականությանը:
Ինչպես հաղորդում է «Ֆրանսպրես»-ը, նման հայտարարությամբ Վաշինգտոնում լրագրողների հետ զրույցում հանդես է եկել Ընդհանուր արտաքին և անվտանգության քաղաքականության հարցերով ԵՄ բարձր ներկայացուցիչ Ֆեդերիկա Մոգերինին:
«Մենք չենք միջամտում ԱՄՆ քաղաքականության մեջ: Եվրոպացիները հուսով են, որ Ամերիկան էլ նույն կերպ չի միջամտի Եվրոպայի քաղաքականության մեջ»,- նշել է ԵՄ բարձր ներկայացուցիչը:
