Ոստիկանության մի շարք ստորաբաժանումների ղեկավարներ մասնակցել են գործնական պարապմունքի
Փետրվարի 8-ին ոստիկանությունում տեղի ունեցավ ՀՀ ոստիկանության պետ Վլադիմիր Գասպարյանի կողմից հաստատված պլանով նախատեսված հերթական գործնական պարապմունքը, որը վարում էր ոստիկանության պետի տեղակալ, ոստիկանության գեներալ-մայոր Սամվել Հովհաննիսյանը:
Մասնակցում էին ոստիկանության շտաբի, հասարակական կարգի ապահովման, տեղեկատվական տեխնոլոգիաների վարչությունների ղեկավար կազմերը, ինչպես և տարածքային բաժինների պետերը:
Մասնագիտական պարապմունքի ընթացքում ներկայացվեցին ոստիկանության գործառույթներին առնչվող հարցեր: Զեկուցումներին հաջորդած քննարկման ընթացքում պարապմունքի մասնակիցները ներկայացրին իրենց դիտարկումները:
Քննարկումից հետո ցուցումներ տրվեցին աշխատանքի արդյունավետությունը բարձրացնելու ուղղությամբ:
