Չինաստանի քիմիական գործարաններից մեկում պայթյուն է տեղի ունեցել
Չինաստանի արևելյան Անհոյ նահանգի Թունլին քաղաքի մոտակայքում գտնվող քիմիական գործարանում պայթյուն է տեղի ունեցել: Այս մասին տեղեկացնում է չինական Sina տեղեկատվական պորտալը:
Հաղորդվում է, որ պայթյունի հետևանքով առաջացած կրակի բարձրությունը հասնում էր բազմաբնակարան շենքների բարձրության, իսկ Թունլին քաղաքում մոտ 10 վայրկյան այնքան լուսավոր է եղել, ինչպես ցերեկը: Տեղում աշխատում են արտակարգ իրավիճակների գերատեսչության աշխատակիցները: Զոհերի և վիրավորների մասին դեռևս տեղեկատվություն չի հաղորդվում:
