ԼՂՀ այցելած բլոգեր Ալեքսանդր Լապշինին արտահանձնեցին Ադրբեջանին
Արցախ այցելելու համար ձերբակալված, Ռուսաստանի և Իսրայելի քաղաքացի, հայտնի բլոգեր Ալեքսանդր Լապշինին արդեն արտահանձնեցին Ադրբեջանին: Այս մասին հաղորդում է «ՌԻԱ Նովոստին»` հղում կատարելով Ադրբեջանի գլխավոր դատախազության մամուլի խոսնակ Էլդար Սուլթանովին:
«Լապշինին տեղափոխող ինքնաթիռն արդեն վայրէջք է կատարել Բաքվում»,- ասել է Սուլթանովը:
Լապշինն արդեն Հեյդար Ալիևի անվան օդանավակայանում է (Բաքու), որտեղ նրան ուղեկցում են դատախազության աշխատակիցները: 
