Շատ համեղ իտալական «Բուսկետա»՝ ընդամենը 5 րոպեում

Երբեմն ցանկություն է առաջանում պատրաստել ինչ-որ բան, որը կլինի արագ, թեթև և միաժամանակ շատ համեղ: Փորձեք «Բուսկետա» իտալական դասական ուտեստը, որն իրենից ներկայացնում է հաց՝ տարբեր միջուկների հավելումով:

Բաղադրիչներ

1. Հաց – 4 կտոր
2. Պանիր – 100-150 գ
3. Սխտոր – 1-2 պճեղ
4. Լոլիկ – 1-2 հատ
5. Կարագ – 1-2 ճ/գ
6. Աղ, պղպեղ՝ ըստ ճաշակի
7. Թարմ կանաչի (ռեհան, սամիթ, մաղադանոս)՝ ըստ ճաշակի

Պատրաստման եղանակը

1. Խառնել փափուկ կարագը և մանր կտրատված սխտորը:

2. Կիսած հացի վրա քսել կարագի և սխտորի խառնուրդը:

3. Հացերի վրա շարել պանրի կտորները: Դնել ջեռոցի մեջ՝ մինչև պանրի հալվելը:

4. Հանել հացերը ջեռոցից: Պանրի վրա շարել օղակաձև կտրատված լոլիկը: Աղ և պղպեղ անել, վրան թարմ կանաչի լցնել: Նորից 1 րոպեով դնել ջեռոցի մեջ:

Պատրաստեց Անի Գաբուզյանը