Թրամփը համաձայնել է մասնակցել Իտալիայում կայանալիք G7 գագաթաժողովին
ԱՄՆ նախագահ Դոնալդ Թրամփը կմասնակցի Իտալիայում կայանալիք G7 գագաթաժողովին, հայտարարել է Սպիտակ տունը Թրամփի և Իտալիայի վարչապետ Պաոլո Ջոնտիլոնիի հեռխոսազրույցի արդյունքով:
«Ղեկավարները քննարկել են Լիբիայի վիճակը, Եվրոպա փախստականների ու ներգաղթյալների հոսքը, ինչպես նաև Իտալիայի առաջնայնությունները այնտեղ կայանալիք «Մեծ յոթնյակի» գագաթաժողովում»,- ասվում է հաղորդագրության մեջ:
Դրանում ասվում է, որ Թրամփը համաձայնել է մասնակցել մայիսին կայանալիք գագաթաժողովին: Նա նաև «ասել է, որ հաշվարկում է հանդիպել վարչապետի հետ այդ ժամանակ», նշել են Սպիտակ տնից:
Հաղորդվում է, որ կողմերը պայմանավորվել են շարունակել սերտ համագործակցությունը ԴԱԻՇ-ին ու մյուս ահաբեկչական կազմակերպություններին ոչնչացնելու նպատակով:
