«Գանձասար-Կապանն» ավարտեց ուսումնամարզական 2-րդ հավաքը
Փետրվարի 2-ին «Գանձասար-Կապանն» ավարտեց իր 10-օրյա ուսումնամարզական հավաքը ՀՖՖ տեխնիկական կենտրոնում՝ ֆուտբոլի ակադեմիայում,- տեղեկացնում է ակումբի մամուլի ծառայությունը։
Նախօրեին կապանյան թիմը երկկողմանի հանդիպում անցկացրեց։ Երկու օր հանգստանալուց հետո Աշոտ Բարսեղյանի սաները մինչև փետրվարի 10-ը կմարզվեն նախկին «Միկա» մարզահամիրում, իսկ փետրվարի 11-ին կմեկնեն Կիպրոս, որտեղ նախատեսված է անցկացնել երկշաբաթյա ուսումնամարզական հավաք, որի ընթացքում ծրագրված է անցկացնել ստուգողական 3 հանդիպում։
«Գանձասար-Կապանը» հայրենիք կվերադառնա փետրվարի 25-ին։
