«Քրեակատարողական համակարգի ներկայիս վիճակը բավականին հարցեր է առաջացնում». վարչապետ
«Քրեակատարողական համակարգի ներկայիս վիճակը բավականին հարցեր է առաջացնում»,- այսօր կառավարության նիստի սկզբում հայտարարեց վարչապետ Կարեն Կարապետյանը:
Ըստ նրա` առկա են խնդիրներ դատապարտյալների և կալանավորների սննդի ապահովման, դատապարտյալների համաչափ տեղաբաշխման տեսանկյունից:
Վարչապետը արդարադատության նախարարին հանձնարարեց ուսումնասիրել քրեակատարողական հիմնարկներին վերապահված որոշ գործառույթներ, այդ թվում` հանձնուքների հանձնման ժամանակ կոռուպցիոն ռիսկերի նվազեցման հետ կապված, և իրեն զեկուցել մեկամսյա ժամկետում: