Հայաստանը Չինաստանում առևտրական կցորդ կունենա
Չինաստանում կստեղծվի Հայաստանի առևտրական կցորդի հաստիք։ Այս հարցը կառավարությունը կքննարկի փետրվարի 2-ի նիստում։
Ըստ որոշման նախագծի՝ ՉԺՀ-ում ՀՀ առևտրական կցորդի հաստիք ստեղծելու մասին ՀՀ կառավարության որոշման նախագիծը մշակվել է Հայաստանի և Չինաստանի միջև գործարար նախաձեռնությունների ակտիվացման և առևտրատնտեսական համագործակցության ընդլայնման, ապրանքների, ծառայությունների, տեխնոլոգիաների և կապիտալի ներմուծման համար բարենպաստ պայմաններ ստեղծելու նպատակով: Կցորդը կտեղակայվի մայրաքաղաք Պեկինում:
Առևտրային կցորդի գործունեությունը 2017 թ. ՀՀ բյուջեին կարժենա 41.8 մլն դրամի չափով:
