Թրամփը միջուկային կոդերի ստացումն անվանել է «սթափեցնող»
Միջուկային հրթիռների գործարկման կոդերին մատչում ստանալը շատ սթափեցնող է, հայտարարել է ԱՄՆ նախագահ Դոնալդ Թրամփը ABC News-ին տված հարցազրույցում։
«Երբ նրանք (զինվորականները) բացատրեցին, թե ինչ է դա իրենից ներկայացնում ու թե ինչ ավերածությունների մասին կարող է խոսք գնալ … Դա շատ սթափեցնող պահ է։ Դա շատ, շատ սարսափելի է ինչ-որ առումով»,- խոստովանել է Թրամփը։
«Ո՛չ, ես վստահ եմ, որ ամեն ինչ ճիշտ կանեմ»,- հավելել է Թրամփը՝ պատասխանելով հաջորդ հարցին այն մասին, թե արդյոք հիմա քնում է գիշերները, նա նորից հավելել է. «Դա շատ, շատ սարսափելի է»։
Դոնալդ Թրամփին հայտնել են նաև, թե ինչպես վարվի «միջուկային ճամպրուկների հետ»։
