«Ինտերը» մտել է Գրիզմանի համար պայքարի մեջ

Մրցաշրջանի ավարտից հետո «Ինտերը» մտադիր է ձեռք բերել «Ատլետիկոյի» հարձակվող Անտուան Գրիզմանին, ում նկատմամբ հավակնություններ ունի նաև «Մանչեսթեր Յունայթեդը»:

Հաղորդվում է, որ միլանցիները լուծել են ֆինանսական ֆեյր-փլեյի հետ կապված պրոբլեմները և մրցաշրջանի ավարտից հետո պատրաստ են 25-ամյա ֆրանսիացու համար վճարել 129 մլն եվրոյի չափով հրաժարագինը:

Գրիզմանը պատրաստ է տեղափոխվել «Ինտեր», եթե ակումբը Չեմպիոնների լիգայի ուղեգիր վաստակի:

Ավելի վաղ հայտնի էր դարձել, որ հարձակվողը «Մանչեսթեր Յունայթեդի» հետ արդեն համաձայնեցրել է պայմանագրի պայմանները:

Պատրաստեց Անի Գաբուզյանը