Իրաքի ուժերը հայտարարել են Մոսուլի արևելյան հատվածի ազատագրման մասին
Իրաքի ահաբեկչության դեմ պայքարի վարչության զինվորականները լիակատար վերահսկողություն են սահմանել Մոսուլի արևելյան շրջանների նկատմամբ, հայտնում է Al Sumaria հեռուստաալիքը՝ վկայակոչելով հրամանատարության հայտարարությանը։
Ավելի վաղ հաղորդվել էր, որ զինվորականները ԴԱԻՇ-ի ահաբեկիչներից ազատագրել են քաղաքի արևելյան հատվածների մինչև 85%-ը։
Ընդ որում՝ ինչպես հայտնում է հեռուստաալիքը, գործողության գլխավոր հրամանատարությունը չի հաստատել տեղեկությունը՝ հայտարարելով, թե արևելյան Մոսուլի լիակատար ազատագրում տեղի չի ունեցել։
