Խորագիր:

Volkswagen-ը 4,3 մլրդ դոլար կվճարի ԱՄՆ-ին դիզելային սկանդալի պատճառով

Volkswagen-ը 4,3 մլրդ դոլար կվճարի ԱՄՆ-ին դիզելային սկանդալի պատճառով

Ավտոմոբիլներ արտադրող Volkswagen-ը համաձայնել է 4,3 միլիարդ դոլար վճարել ԱՄՆ-ին «էմիսիոն սկանդալի» կարգավորման համար, տեղեկացնում է BBC-ն: Գերմանական ընկերությունը նաև հայտարարել է, որ ընդունում է ամերիկյան մի քանի օրենքների խախտման մեղքը:

Volkswagen-ի ներկայացուցիչները հայտնել են, որ գտնվում են Միացյալ Նահանգների արդարադատության նախարարության և մաքսային ծառայության հետ հաշտության համաձայնագրի շուրջը բանակցությունների ավարտական փուլում: Ամփոփիչ համաձայնագիրը դեռ պետք է պաշտոնապես հավանության արժանանա ընկերության ղեկավարների և դիտորդական խորհրդի կողմից, սպասվում է, որ դա տեղի կունենա առաջիկա օրերին:

4,3 միլիարդ դոլար գումարի տուգանքները նշանակում են, որ ընդհանուր առմամբ ընկերության՝ սկանդալի հետ կապված ծախսերը կգերազանցեն 19,2 միլիարդ դոլարը: Մինչ այդ Volkswagen-ը համաձայնության էր եկել 15 միլիարդ դոլար վճարումների շուրջը՝ ԱՄՆ-ի բնապահպանական իշխանությունների և ավտոմոբիլների տերերի հետ վեճի կարգավորման համար: Սկանդալը բորբոքվեց 2015 թվականի սեպտեմբերին, երբ ԱՄՆ-ի իշխանությունները Volkswagen-ին մեղադրեցին ընկերության արտադրած դիզելային ավտոմոբիլներից արտանետվող գազերի վերաբերյալ տվյալների նենգափոխման մեջ: Իր իսկ ընկերության տվյալներով՝ թեսթավորման արդյունքների կեղծումը վերաբերել է դիզելային շարժիչներով 11 միլիոն ավտոմեքենաների ամբողջ աշխարհում:

Լրահոս
Ամենաընթերցված
ՕրվաՇաբաթվաԱմսվա
2016-12-22
«Եթե օտարերկրյա ներդրողը տեսնում է, որ ներքին ներդրողը ձեռնպահ է, հետևություններ է անում». Գարեգին Մելքոնյան
«Հայաստանում, երբ մտածում են, որ գործարարության այս կամ այն սահմանափակումները կան, իմ արձագանքը հետևյալն է` որոշեք ձեր բիզնեսը, սկսեք անել, ցանկացած խնդիր, որն ունենաք օրենսդրական կարգավորումից դուրս, ինչքան հնարավոր է` հրապարակայնացրեք փաստերով հանդերձ»։