«Դա կլինի շատ լայն դաշինք Գագիկ Ծառուկյանի շուրջ». Նաիրա Զոհրաբյանը՝ ընտրություններին իրենց մասնակցության մասին
Դեռևս հստակ չէ՝ «Բարգավաճ Հայաստան» կուսակցությունն ինչ ձևաչափով կմասնակցի խորհրդարանական ընտրություններին։ 168.am-ի հետ զրույցում ԲՀԿ նախագահ Նաիրա Զոհրաբյանն ասաց, որ Գագիկ Ծառուկյանի հայտարարությանը սպասելուն շատ քիչ է մնացել։
Նա նշեց, որ առաջիկայում կլինի Գ. Ծառուկյանի հայտարարությունը, և միայն այդ հայտարարությունից հետո արդեն ԲՀԿ-ի մասնակցության ձևաչափը կլինի հստակ և առարկայական. «Մեկ բան կարող եմ ասել, որ կարծում եմ՝ դա կլինի շատ լայն դաշինք Գագիկ Ծառուկյանի շուրջ, որտեղ կլինեն թե՛ քաղաքական այլ կուսակցություններ, թե՛ նաև առանձին անհատ քաղաքական գործիչներ»։
