Վատառողջ քաղաքացուն տեղափոխող ավտոմեքենան հիվանդանոցի ճանապարհին արգելափակվել է ձյան մեջ
Հունվարի 9-ին, ժամը 09.13-ին ահազանգ է ստացվել, որ Արագածոտնի մարզի Նիգավան գյուղի ավտոճանապարհին «Մերսեդես» մակնիշի ավտոմեքենան արգելափակվել է ձյան շերտում. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ արգելափակված ավտոմեքենան ուղևորվում էր Նիգավան գյուղ վատառողջ քաղաքացուն հիվանդանոց տեղափոխելու նպատակով:
Փրկարարները Նիգավան-Ապարան 3-րդ կմ-ին արգելափակումից դուրս են բերել «Մերսեդես» մակնիշի 34 AD 079 պ/հ ավտոմեքենան (վարորդ Ա. Ա.) և միասին ուղևորվել Նիգավան հիվանդին օգնություն ցուցաբերելու:
Փրկարարները վատառողջ քաղաքացուն մոտեցրել են ավտոմեքենային:
