Անհրաժեշտության դեպքում ԿԲ-ն կշարունակի նվազեցնել վերաֆինանսավորման տոկոսադրույքը
Անհրաժեշտության դեպքում ՀՀ կենտրոնական բանկը կշարունակի նվազեցնել վերաֆինանսավորման տոկոսադրույքը: Այս մասին կառավարության նիստում պատասխանելով ՀՀ վարչապետ Կարեն Կարապետյանի հարցին ասաց Կենտրոնական բանկի նախագահ Արթուր Ջավադյանը: ԿԲ նախագահը նշեց, որ վերաֆինանսավորման տոկոսադրույքը վերջին անգամ նվազեցվել է դեկտեմբերի 27-ին:
«Եվ այդպես անընդհատ նվազեցնելո՞ւ եք»,- հարցրեց Կարապետյանը: «Եթե դրա կարիքը լինի կնվազեցնենք, եթե ոչ…»,- պատասխանեց Ջավադյանը:
Դեկտեմբերի 27-ի նիստում ԿԲ-ն իջեցրել է վերաֆինանսավորման տոկոսադրույքը 0.25 տոկոսային կետով՝ սահմանելով այն 6.25%:
