Խաղալիքներով պայուսակը մարդկանց տարհանման պատճառ է դարձել Trump Tower-ից
Ոստիկանությունը Նյու Յորքում՝ Trump Tower-ի լոբբիում, կասկածելի փաթեթ էր հայտնաբերել և տարհանել մարդկանց, հայտնում է CBS-ը։
Բացի ոստիկանությունից՝ դեպքի վայր էին ժամանել հրշեջ մեքենաներ։ Առկա տվյալների համաձայն՝ մարդկանց տարհանելիս ԱՄՆ նորընտիր նախագահ Դոնալդ Թրամփը շինությունում չի եղել։ Նա գտնվում է Ֆլորիդայում։
Ավելի ուշ պարզվել է, որ կասկածելի փաթեթը եղել է մանկական խաղալիքներով պայուսակ։ Իրավապահ ծառայության ներկայացուցիչը պատմել է, որ ուսապարկը հայտնաբերվել է Nike Town խանութի մուտքի մոտ, որը տեղակայված է շենքում։
