Իրաքցի զինվորականներն ազատագրել են Մոսուլի մեծ մասը
Իրաքցի զինվորականները ԴԱԻՇ-ի ահաբեկիչներից ազատագրել են Մոսուլի և քաղաքի արվարձանների մեծ մասը։ Ինչպես հայտնում է RIA Novosti-ն, այս մասին հայտարարել է Իրաքի ԱԳՆ ղեկավար Իբրահիմ ալ-Ջաաֆարին։
«Դա 56 շրջաններից 40-ն է։ Սկսվում է մնացած 16 շրջանների ազատագրման աշխատանքը»,- հայտարարել է Իրաքի ԱԳՆ ղեկավարը։
Ալ-Ջաաֆարին նաև նշել է, որ ԴԱԻՇ-ի զինյալները մեծ ֆինանսական աջակցություն են ստանում։ Նրա խոսքով՝ խմբավորումն ունի այնպիսի հնարավորություն, ինչպիսիք ունի պետությունը։
«Նրանց հետևում կանգնած են կառավարություններ և նրանց բյուջեները։ Իրաքի բանակը դա հաշվի է առնում և ձգտում է հյուծել հակառակորդի հզորությունը»,- ընդգծել է իրաքցի պաշտոնյան։
Նախօրեին նա հայտարարել էր, որ Իրաքի իշխանությունները կարող են ԴԱԻՇ-ին չեզոքացնել մոտակա 3 ամիսներին։
