Լարսը բաց է թեթև մարդատար տրանսպորտային միջոցների համար. մեքենաների մեծ կուտակումներ չկան
Վրաստանի ենթակառուցվածքների և տարածքային զարգացման նախարարության ճանապարհային դեպարտամենտից ՀՀ տրանսպորտի, կապի և տեղեկատվական տեխնոլոգիաների նախարարությանը տեղեկացնում են, որ գիշերը տեղացած ձյան հետևանքով դեկտեմբերի 26-ին՝ ժամը 10:00-ի դրությամբ, Ստեփանծմինդա-Լարս ավտոճանապարհն անվաշթղաների կիրառման դեպքում այս պահին բաց է թեթև մարդատար տրանսպորտային միջոցների համար: Այս մասին հայտնում են ՀՀ տրանսպորտի, կապի և տեղեկատվական տեխնոլոգիաների
նախարարության լրատվական ծառայությունից։
Ճանապարհին կատարվում են աղով, ավազով մշակման և մաքրման աշխատանքներ: Ծանրաքաշ մեքենաների համար երթևեկությունը նախատեսվում է վերականգնել առաջիկա 2 ժամվա ընթացքում: Մեքենաների մեծ կուտակումներ չկան:
Կտրվի լրացուցիչ տեղեկատվություն:
