«Իրանը ձգտում է ԵՏՄ-ի հետ մերձեցման». Ռոհանի
Իրանը ձգտում է մերձենալ Եվրասիական տնտեսական միությանը (ԵՏՄ), ազատ առևտուր անել միության հետ։ Ինչպես հայտնում է TASS-ը, այս մասին Բիշքեկում Իրանի նախագահ Հասան Ռոհանին հայտարարել է Ղրղըզստանի նախագահ Ալմազբեկ Աթամբաևի հետ հանդիպման ընթացքում։
«Մենք ցանկանում ենք ազատ առևտուր իրականացնել միության հետ»,- ասել է Իրանի նախագահը։
Նրա խոսքով՝ իրանական կողմը ակնկալում է, որ այդ հարցը կքննարկվի դեկտեմբերի 26-ին կայանալիք ԵՏՄ գագաթաժողովում։
