Հայաստանում շրջանառվող բանկային քարտերով կատարված գործարքների քանակն աճել է 10.24 տոկոսով
2016 թվականի հոկտեմբերի վերջի դրությամբ Հայաստանում շրջանառվող բանկային քարտերի թիվը կազմել է 1 մլն 756 հազար 658։ Ըստ ՀՀ Կենտրոնական բանկի՝ 2016 թվականի հոկտեմբեր ամսվա տեղեկագիրը, 2015 թվականի հոկտեմբերի համեմատ քարտերի քանակն աճել է 40 հազար 187-ով կամ 2.34 տոկոսով։
2016-ի հոկտեմբերի ընթացքում ՀՀ-ում բանկային քարտերով կատարվել է 2 մլն 348 հազար 926 գործարք, որոնց ընդհանուր արժեքը կազմել է 117.1 մլրդ դրամ:
Քարտերով կատարված գործարքների քանակը նախորդ տարվա հոկտեմբերի համեմատ աճել է 10.24 տոկոսով, իսկ արժեքը՝ ընդամենը 0.27 տոկոսով։
