«2017 թվականի բյուջեն զուսպ է և իրատեսական». Վարդան Բոստանջյան
Խորհրդարանի կողմից հաստատված Հայաստանի Հանրապետության 2017 թվականի պետական բյուջեն տնտեսագետ Վարդան Բոստանջյանը զուսպ և իրատեսական է համարում: «Արմենպրես»-ի հետ զրույցում տնտեսագետ Վարդան Բոստանջյանը նշեց, որ ելնելով 2016 թվականին մեզ համար ոչ ցանկալի տնտեսական երևույթներից, ավելի զուսպ բյուջե է ներ կայացված 2017 թվականի համար:
«2017 թվականի բյուջեն, ամենայն հավանականությամբ, ըստ կառավարության կողմից ներկայացված ծրագրի և ըստ հատկացումների պետք է ստեղծի այն նախադրյալներն, որոնք հետագա ժամանակահատվածների համար որոշակի տնտեսական աշխուժացում կապահովեն»,- ասաց տնտեսագետ Վարդան Բոստանջյանը:
