Իրաքում կարող է ստեղծվել Մոսուլի ղեկավարման ժամանակավոր խորհուրդ
Մոսուլը ԴԱԻՇ-ի ահաբեկիչներից ազատելուց հետո անհրաժեշտ է ձևավորել ժամանակավոր բարձրագույն քաղաքական խորհուրդ, որտեղ կներկայացվեն քաղաքի բնակչության բոլոր խավերը, հայտարարել է Իրաքի փոխվարչապետ Իյադ Ալավին Բաղդադում ԱՄՆ դեսպան Դուգլաս Սիլլիմանի հետ հանդիպմանը։ Այս մասին հայտնում է «Անադոլու» գործակալությունը։
Նրա խոսքով՝ նման կառույցը հնարավորություն կտա ապահովել Մոսուլում կայունությունն ու անվտանգությունը, ինչպես նաև փախստականների վերադարձը իրենց տներ։
Ժամանակավոր խորհուրդը կգործի մինչև տեղական ինքնակառավարման մարմինների ընտրությունների անցկացումը, ասել է Ալավին։
