«Տրանսպորտային փոխադրումներ» ՊՈԱԿ-ը նույնպես կլուծարվի
ՀՀ կառավարությունն այսօր որոշում կայացրեց լուծարել «Տրանսպորտային փոխադրումներ» պետական ոչ առևտրային կազմակերպությունը: Որոշման նախագիծը ներկայացրեց ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Արթուր Առաքելյանը:
Նրա խոսքով՝ կազմակերպության գործառույթները հնարավոր է իրականացնել նախարարության կառուցվածքային և առանձնացված ստորաբաժանումների կողմից:
Ա. Առաքելյանը նաև տեղեկացրեց, որ լուծարման արդյունքում պետական բյուջեի ծախսերը կկրճատվեն 22 մլն դրամով: Կկրճատվի 9 հաստիք:
