«Մեր պետության համար Գագիկ Ծառուկյանի վերադարձը կենսական անհրաժեշտություն եմ համարում». Միքայել Մելքումյան
Ինչպես հայտնի է, այսօր տեղի է ունեցել «Բարգավաճ Հայաստան» (ԲՀԿ) կուսակցության համագումարը, որի շրջանակներում կուսակցությունը հայտարարություն է տարածել՝ հորդորելով իրենց նախկին առաջնորդ Գագիկ Ծառուկյանին՝ վերադառնալ ակտիվ քաղաքականություն։
Համագումարից հետո ԲՀԿ-ական պատգամավոր Միքայել Մելքումյանը լրագրողների հետ զրույցում ասաց, որ որոշել են, որ դա պահանջ է.
«Ամբողջ կուսակցության համար ենք պահանջում, որ Գագիկ Ծառուկյանը պետք է վերադառնա ակտիվ քաղաքականություն։ Սա հստակ, կարճ ձևակերպում է, դա բոլորի պահանջն է, մեր պետության համար դա կենսական անհրաժեշտություն եմ համարում»։
