«Ռուսաստանն այն գործոնն է, որը պետք է հաշվի առնեն նրա հարևանները». Մարգվելաշվիլի
Վրաստանի նախագահ Գեորգի Մարգվելաշվիլին իր հիասթափությունն է հայտնել այն բանի առնչությամբ, որ վիզային ազատականացման հարցը քննարկվում է Բրյուսելի կողմից մինչ այժմ, չնայած այն բանին, որ Վրաստանն իրականացրել է բոլոր անհրաժեշտ պահանջները։ Այս մասին նա հայտարարել է Reuters-ին տված հարցազրույցում։
«Եվրամիությունը, ինչպես ՆԱՏՕ-ն, անցնում է մարտահրավերների վերագնահատման պահպանողական փուլ։ Կարծում ենք, որ այդ պահպանողական փուլը պետք է ավարտվի ինչ-որ ավելի ակտիվ ու ավելի ինտենսիվ օրակարգում»,- հայտարարել է նա։
Անդրադառնալով Ռուսաստանի թեմանին՝ նա ասել է, որ Ռուսաստանը այն գործոնն է, որը պետք է հաշվի առնեն նրա հարևանները, ինչպես նաև մյուս միջազգային կազմակերպությունները։ «Ռուսաստանի հետ մեր հարաբերությունների նպատակը ռացիոնալ երկխոսության քաղաքականությունն է, խաղաղության պահպանման քաղաքականությունը և սադրանքների մեջ Վրաստանին չներքաշելը»,- հայտարարել է նա։
Մարգվելաշվիլիի խոսքով՝ Ռուսաստանի հետ լավ հարաբերությունները հնարավոր են միայն այն դեպքում, եթե Ռուսաստանը հարգի Վրաստանի ինքնիշխանությունն ու տարածքային ամբողջականությունը։
