Հենրիխ Մխիթարյանը և ևս 4 ֆուտբոլիստ, որ պետք է վերադառնան մեկնարկային կազմ. Manchester Evening News
Վաղը կեսգիշերին Անգլիայի գավաթի խաղարկության շրջանակներում «Մանչեսթեր Յունայթեդը» կմրցի «Վեստ Հեմի» հետ: Ինչպես արդեն տեղեկացրել ենք, մի շարք ֆուտբոլիստներ բաց կթողնեն այս հանդիպումը վնասվածքների և որակազրկումների պատճառով:
Manchester Evening News-ն առանձնացրել է 5 ֆուտբոլիստի, ովքեր այս դեպքում պետք է լինեն մանչեսթերյան ակումբի մեկնարկային կազմում:
Այդ ֆուտբոլիստների թվում է նաև Հայաստանի ազգային հավաքականի ֆուտբոլիստ Հենրիխ Մխիթարյանը:
Ըստ պարբերականի՝ կիրակի օրը կայացած խաղում Մխիթարյանին շատ քիչ էր մնացել երկրորդ խաղակեսի հերոսը դառնալու համար: Պարբերականը նշում է, որ ծաղրական էր այն, որ Մխիթարյանը չխաղաց մեկնարկում, քանի որ փայլել էր Եվրոպա լիգայի խաղարկության խմբային փուլում: Պարբերականի փորձագետները նշում են, որ տրամաբանական է, որ հաղթանակի համար Մխիթարյանը պետք է խաղա մեկնարկից:
Բացի Մխիթարյանից, պարբերականի կազմած ցանկում են հայտնվել նաև Դեյլի Բլինդը,Անտոնի Մարսիալը, Տիմոտի Ֆոսու-Մենսան, Լյուկ Շոուն:
Ոչ միայն Manchester Evening News-ը, այլև «Daily Star» և «Metro» պարբերականները Մխիթարյանին ընդգրկել են մանչեսթերյան ակումբի մեկնարկային կազմում:
«Մանչեսթեր Յունայթեդ» – «Վեսթ Հեմ» խաղը կկայանա նոյեմբերի 30-ին՝ կեսգիշերին:
Սիրարփի Աղաբաբյան
