ԱՄՆ կառավարության կողմից Boeing-ի սուբսիդավորումը ԱՄՀ-ն միջազգային առևտրի կանոնների խախտում է համարել
Առևտրի համաշխարհային կազմակերպությունը ԱՄՆ կառավարության կողմից Boeing ընկերության սուբսիդավորումը միջազգային առևտրի կանոնների խախտում է ճանաչել: Ինչպես հաղորդում է ԱՄՀ պաշտոնական կայքը, հայտարարությունը մասնավորապես առնչվում է 777X հեռամագիստրալ ինքնաթիռների արտադրության սուբսիդավորմանը:
ԱՄՀ փորձագետները նշել են, որ մինչև 2040թ-ը ընկերությանը հարկային արտոնություններ տրամադրելու ԱՄՆ կառավարության որոշումը հակասում է միջազգային առևտրի` կազմակերպության կողմից ընդունած նորմերին:
«Այսօրվա որոշումը կարևոր հաղթանակ է ինչպես Եվրոպական միության, այնպես էլ ավիատիեզերական ոլորտի համար: Մենք ակնկալում ենք, որ ԱՄՆ կհարգի արդար մրցակցության կանոնները և կդադարեցնի նման սուբսիդիաները»,- նշել է առևտրի հարցերով Եվրոպական հանձնակատար Սեսիլիա Մալստրյոմը:
Խնդրի առնչությամբ երկու տարի առաջ Առևտրի համաշխարհային կազմակերպությանը դիմել էր Եվրոպական միությունը:
