Բակո Սահակյանը մասնակցել է Դատախազության աշխատակցի օրվան նվիրված միջոցառմանը
Արցախի Հանրապետության Նախագահ Բակո Սահակյանը նոյեմբերի 26-ին մասնակցել է ԼՂՀ դատախազության աշխատակցի օրվան նվիրված հանդիսավոր միջոցառմանը:
Նախագահը շնորհավորել է ներկաներին մասնագիտական տոնի առթիվ եւ պետական պարգեւներ հանձնել դատախազության մի խումբ աշխատակիցների:
Իր խոսքում Նախագահ Սահակյանը կարեւորել է դատախազության դերը մեր երկրի կյանքում՝ նշելով, որ դա կարեւոր ծառայություն է, որը պահանջում է բարձր մասնագիտական, մարդկային ու բարոյական հատկանիշներ, լուրջ պատրաստվածություն, արհեստավարժություն, անձնվիրություն եւ պատասխանատվություն ծառայողական պարտականությունների իրականացման հանդեպ:
«Համակարգի առջեւ ծառացած հիմնախնդիրները, աշխատակիցների աշխատանքային եւ սոցիալական պայմանների բարելավման հարցերը մշտապես գտնվում են պետության ուշադրության կենտրոնում, եւ այսուհետ էլ կարվի հնարավորը դրանք պատշաճ կերպով լուծելու համար»,-ընդգծել է Բակո Սահակյանը:
